ಒರಗಿ ಒರಗಿ ಗೋಡೆಗೆ,
ಬೆನ್ನು ನೋವು ಬಂದಿದೆ.
ನಿಂತೂ ನಿಂತೂ ದೇಹಕೆ,
ಜಡ ಅಪ್ಪಿ ಕೊಂಡಿದೆ.
ನನ್ನ ಒಡೆಯ ಸರಿಯಿಲ್ಲ,
ತಲೆಕೆಟ್ಟ ಹುಚ್ಚನು.
ಅಂಗಿ, ಭಂಗಿಯ ಬದಲಿಸಿ,
ನನ್ನ ಮುಂದೆ ನಿಲ್ಲುವನು.
ಅವನಲಿರೋ ದರ್ಪಣ ಬಿಟ್ಟು,
ನನ್ನ ನೋಡುತಾ ನಿಲ್ಲುವನು.
ಬಣ್ಣ ಬಣ್ಣ ಬಟ್ಟೆ ತೊಟ್ಟು,
ದರ್ಪದಿ ಹಿಗ್ಗುವನು..
ನನಗೂ ಒಬ್ಬ ಸಖಿಯಿದ್ದಾಳೆ,
ಹೇಳಲಾಗದ ಅಂದವು .
ನನ್ನ ಮುಂದಿರುತ್ತಾಳೇ,
ಅವಳ ಹೆಸರು ಬಿಂಬವು.
ಇದು ಒಂದು ಸತ್ಯ ಕಥೆ,
ಇದಕೆ ಬೇಕೆ ಮುನ್ನುಡಿ ?
ಹೇಳಬಹುದು ನಾನು ಇಷ್ಟೇ,
ನನ್ನ ಹೆಸರು "ಕನ್ನಡಿ".....
ವೆಂ.ಪ.ತನಯ